• VOCALIST

    SÖNGSKÓLINN VOCALIST

    Fyrir þína rödd!

    Vocalist er söngskóli sem var stofnaður í ársbyrjun 2014 og hafði þá aðsetur í hjarta bæjarins að Laugarvegi 178 en hefur nú flutt að Síðumúla 8. Skólinn er í örum vexti og þar ættu allir að finna söngnám við sitt hæfi því námskeiðin eru sérsniðin að þörfum hvers og eins. Lögð er áhersla á að söngvarar geti þjálfað röddina sína í heimilislegu umhverfi sem einkennist af jákvæðu og uppbyggilegu andrúmslofti. Kenndir eru allir stílar, klassík, jazz, söngleikir, popp, rokk, þungarokk o.s.frv. Námskeiðin henta bæði þeim sem hafa enga reynslu af söng og vilja kynnast eigin rödd betur og einnig þeim sem hafa meiri reynslu annaðhvort sem kórsöngvarar eða einsöngvarar. Kennslan byggist upp á Complete Vocal Technique, en sú tækni er orðin vinsæl um alla Evrópu og hefur gefið góðan og fljótvirkan árangur.

    SÓLVEIG UNNUR RAGNARSDÓTTIR

    EIGANDI OG RADDÞJÁLFARI

    Sólveig Unnur Ragnarsdóttir hefur kennt söng frá árinu 2009. Hún hóf sinn söngkennaraferil við Tónlistarskóla Vestmannaeyja og starfaði þar til ársins 2014. Þá flutti hún aftur til Reykjavíkur og stofnaði söngskólann Vocalist í byrjun þess árs.

    Sólveig byrjaði mjög ung að læra á hljóðfæri, fyrst fiðlu og síðar píanó, en hóf síðan söngnám við Söngskólann í Reykjavík árið 1996. Þar lauk hún einsöngvaraprófi í klassískum söng (DipABRSM) árið 2003 og söngkennaraprófi (DipLRSM) árið 2005. Árið 2012 hóf hún svo 3. ára kennaranám í Complete Vocal Technique við Complete Vocal Institute í Kaupmannahöfn og er nú viðurkenndur kennari í þeirri tækni.

    Sólveig hefur haldið fjölda söngtónleika og hefur reynslu af að syngja fjölbreytta stíla. Hún hefur sungið með hljómsveitum, við kirkjulegar athafnir, komið fram við ýmis tilefni og stjórnað kórum.

     

    COMPLETE VOCAL TECHNIQUE

    "Það á ekki að vera erfitt að syngja og allir geta lært það"

    Þetta er ein af hugmyndafræðum CVT sem er söngtækni sem hentar fyrir alla söngstíla.

    CVT byggir á rannsóknum Cathrine Sadolin sem allar eru byggðar á lífeðlisfræði og hljóðfræði. Tæknin er orðin sú útbreiddasta í Evrópu í dag og er notuð meðal fjölda atvinnu söngvara. Meginþættir CVT eru:

     

    Grunnatriðin þrjú - Stuðningur, Nauðsynlegt twang, lausir kjálkar og lausar varir

    Raddgírarnir fjórir - Neutral, Curbing, Overdrive, Edge

    Raddlitur - Ljós eða dökkur

    Effektar - Til að leggja áherslur á tilfinningar í laginu

     

    Með því að setja saman þessi atriði náum við fram þeim hljóm sem við viljum fá út okkar rödd. Það er svo hlutverk kennarans að hjálpa söngvaranum að ná fram þeim hljóm og gefa honum þau nauðsynlegu tól og tæki sem hann þarf til að ná settum markmiðum.

    Nánar um CVT hér og rannsóknir sem hafa verið gerðar hjá Complete Vocal Institute má sjá hér

  • Námskeið

    Hér getur þú séð öll þau námskeið sem eru í boði hjá Vocalist

    Grunnnámskeið

    Fyrir alla þá sem vilja kynna sér CVT - byrjendur jafnt sem lengra komna.

     

    Fyrir hverja?

    Námskeiðið er sniðið fyrir þá sem eru að byrja að syngja en vantar aukið öryggi og einnig þá sem eru reynslumeiri og vilja kynna sér Complete Vocal Technique. Einnig hentar námskeiðið þeim sem eru að glíma við hæsi, raddþreytu eða önnur vandamál tengd röddinni.

     

    Hvað lærir söngvarinn?

    • Grunnatriði CVT
    • Raddgírarnir fjórir (Neutral, Curbing, Overdrive og Edge)
    • Kynnast sinni rödd betur
    • Breiðara raddsvið og/eða raddstyrkur
    • Túlkun, tjáning og framkoma
    • Aukið sjálfsöryggi og hvernig við vinnum á sviðsskrekk.
    • Míkrafónatækni
    • Persónuleg framför söngvarans

    Hvernig er námskeiðið uppbyggt?

    • Námskeiðið er í 12 vikur og byggist upp á hóptímum einu sinni í viku, þar sem söngvarar vinna í traustu og jákvæðu andrúmslofti með kennara. Þetta hefur gefið góðan árangur þar sem þátttakendur læra af því að fylgjast með hinum. 
    • Í tímunum verður farið ítarlega í tæknina og síðan vinnur hver og einn í sínum lögum með kennara.
    • Píanóleikari verður til staðar hluta námskeiðsins

    Lokatónleikar skólans eru síðan haldnir í lok hverrar annar og eru þáttakendur hvattir til þess að koma fram á þeim.

     

    Eftir námskeiðið

    Söngvarinn ætti að hafa fengið betri skilning á undirstöðuatriðum hvað varðar söngtækni og túlkun. Einnig ætti hann að hafa fengið enn betri stjórn á röddinni og öðlast meira öryggi í framkomu.

    • HVENÆR: Miðvikudagar kl. 17 -19/20 (fer eftir fjölda)
    • LENGD NÁMSKEIÐS: 12 vikur 
    • FULLT VERÐ: 114.900 kr. (hægt að skipta í 3 greiðslur, 28.300 á mánuði)
    • STAÐFESTINGARGJALD: 30.000 kr. greiðist við skráningu
    • ALDURSTAKMARK: 16 ára
    • Hægt er að nýta styrki hjá öllum helstu stéttarfélögum

    NÆSTA NÁMSKEIÐ HEFST 27. SEPTEMBER 2017.

    Framhaldsnámskeið

    Fyrir þá sem hafa tekið grunnnámskeiðið hjá Vocalist eða hafa einhverja þekkingu á CVT

     

    Fyrir hverja?

    Námskeiðið er sniðið fyrir þá sem hafa kynnt sér Complete Vocal Technique, hjá Vocalist eða annars staðar.

     

    Hvað lærir söngvarinn?

    • Hlustun og greining á raddgírunum fjórum
    • Að vinna með raddlit
    • Breiðara raddsvið og/eða raddstyrkur
    • Túlkun, tjáning og framkoma
    • Spuni, taktur og hendingamótun
    • Effektar
    • Persónuleg framför söngvarans

    Hvernig er námskeiðið uppbyggt?

    • Námskeiðið er í 12 vikur og byggist uppá hóptímum einu sinni í viku, þar sem söngvarar vinna í traustu og jákvæðu andrúmslofti með kennara. Þetta hefur gefið góðan árangur þar sem söngvarar læra af því að fylgjast með hinum.
    • Í hóptímunum verður kafað ennþá dýpra í CVT og svo vinnur hver og einn söngvari í sínum lögurm með kennara. 
    • Píanóleikari verður til staðar hluta námskeiðsins

    Lokatónleikar skólans eru síðan haldnir í lok hverrar annar og eru þáttakendur hvattir til þess að koma fram á þeim.

     

    Eftir námskeiðið

    Söngvarinn ætti að hafa öðlast enn meiri stjórn á röddinni og hafa aukna þekkingu á þeim möguleikum sem röddin hefur uppá að bjóða. Einnig ætti hann að kunna aðferðir til að þjálfa sig áfram með spuna, túlkun, effekta og öðlast ennþá meira öryggi í framkomu.

    • HVENÆR: Mánudagar kl. 18:15 - 20:00
    • LENGD NÁMSKEIÐS: 12 vikur 
    • FULLT VERÐ: 114.900 kr. (hægt að skipta í 3 greiðslur, 28.300 á mánuði)
    • STAÐFESTINGARGJALD: 30.000 kr. greiðist við skráningu
    • ALDURSTAKMARK: 18 ára
    • Hægt er að nýta styrki hjá öllum helstu stéttarfélögum

    NÆSTA NÁMSKEIÐ HEFST 25. SEPTEMBER 2017.

    Unglinganámskeið

    Fyrir 12 - 16 ára söngvara

    Fyrir hverja?

    Námskeiðið hentar söngfuglum á aldrinum 12-16 ára sem vilja kynnast röddinni sinni betur og fá aukið öryggi í framkomu.

     

    Hvað lærir söngvarinn?

    • Grunnatriði í Complete Vocal Technique
    • Öndun, stuðningur og gerðar æfingar til að ná því fram
    • Túlkun, tjáning og framkoma
    • Sjálfsstyrking og hvernig vinnum við með sviðsskrekk
    • Að kynnast möguleikum raddarinnar.
    • Breiðara raddsvið og/eða raddstyrkur
    • Míkrafónatækni
    • Mismunandi söngstílar
    • Samsöngur
    • Persónuleg framför söngvarans

    Hvernig er námskeiðið uppbyggt?

    • Kennt er í 4 - 6 manna hópum, einu sinni í viku í 1-1,5 klst. í senn. (fer eftir fjölda)
    • Hver og einn vinnur í sínum lögum með kennara en einnig er lögð áhersla á samsöng til þess að unglingurinn þjálfist í að syngja í hóp.
    • Tónleikar verða svo haldnir í lok námskeiðs þar sem hægt er að bjóða fjölskyldu og vinum að koma og hlusta. 

    Eftir námskeiðið

    Söngvarinn ætti að hafa öðlast meiri þekkingu á raddbeitingu og þekkja sína rödd betur. Einnig ætti hann að hafa fengið meira sjálfstraust og öryggi í framkomu og vera meðvitaðri um mikilvægi túlkunar í söng.

    • HVENÆR: Föstudagar kl. 16-17/17:30 (fer eftir fjölda)
    • LENGD NÁMSKEIÐS: 12 vikur 
    • FULLT VERÐ: 68.000 kr. (hægt að skipta í 3 greiðslur, 16.000 á mánuði)               
    • STAÐFESTINGARGJALD: 20.000 kr. greiðist við skráningu
    • Hægt er að nýta frístundarstyrkinn bæði hjá Reykjavíkurborg og Kópavogi. 

    NÆSTA NÁMSKEIÐ HEFST 29. SEPTEMBER 2017

    Barnanámskeið

    Fyrir 8 - 12 ára söngvara

    Fyrir hverja?

    Alla krakka á aldrinum 8 - 12 ára sem þurfa að hleypa söngfuglinum út.

     

    Hvað lærir söngvarinn?

    • Gerðar æfingar til að barnið kynnist eigin rödd betur
    • Túlkun, tjáning og framkoma
    • Samsöngur og kór
    • Skemmtilegir leikir sem efla tjáningu og sjálfsöryggi
    • Hvernig vinnum við með sviðsskrekk
    • Að syngja í míkrafón
    • Kynnast mismunandi tónlistarstílum
    • Persónuleg framför söngvarans

    Hvernig er námskeiðið uppbyggt?

    • Kennt er í 4 - 6 manna hópum, einu sinni í viku í 1 klst. í senn.
    • Mikil áhersla er lögð á samsöng og kórastarf en einnig fær söngvarinn að syngja einn og þjálfa sig þannig í að koma fram. Farið verður í skemmtilega leiki og hreyfingar eru mikið notaðar til túlkunar á tónlistinni.
    • Tónleikar verða svo haldnir í lok námskeiðs þar sem hægt er að bjóða fjölskyldu og vinum að koma og hlusta. 

    Eftir námskeiðið

    Söngvarinn ætti að hafa fengið meiri ánægju af því að syngja, öðlast meiri þekkingu á hinum mismunandi tónlistarstílum og þekkja sína rödd betur. Einnig að hafa fengið meira sjálfstraust og öryggi í framkomu, lært að syngja í hóp og vera meðvitaðri um mikilvægi túlkunar í söng.

    • HVENÆRMánudagar kl. 17-18
    • LENGD NÁMSKEIÐS: 12 vikur 
    • FULLT VERÐ: 59.000 kr. (hægt er að skipta í 3 greiðslur, 13.000 á mánuði)
    • STAÐFESTINGARGJALD: 20.000 kr. greiðist við skráningu
    • Hægt er að nýta frístundarstyrkinn bæði hjá Reykjavíkurborg og Kópavogi. 

    NÆSTA NÁMSKEIÐ HEFST 25. SEPTEMBER 2017

    Einkatímar

    Keyptu stakan tíma eða söngkort

    Fyrir hverja?

    Hentar þeim sem vilja koma í eitt og eitt skipti og ráða sjálfir hversu langt líður á milli tíma, eða vera í einkatímum einu sinni í viku yfir alla önnina. Einkatímar henta fyrir bæði byrjendur og lengra komna söngvara.

     

    Hvað lærir söngvarinn?

    Í einkatímunum er tíminn sniðinn að þörfum hvers og eins. Það er því mjög mismunandi hverjar áherslurnar eru í tímunum, en það sem gæti verið unnið með eru til dæmis eftirfarandi atriði:

    • Grunnatriði í Complete Vocal Technique
    • Raddgírarnir fjórir (Neutral, Curbing, Overdrive og Edge)
    • Breiðara raddsvið og/eða raddstyrkur
    • Raddlitur og blæbrigði raddarinnar
    • Túlkun
    • Míkrafónatækni
    • Spuni, taktur og hendingamótun
    • Effektar
    • Lausnir við raddvandamálum
    • Persónuleg framför söngvarans

    Söngvarinn kemur sjálfur með lag sem hann vill vinna með í tímanum sem er 45 mínútur.

     

    VERÐ Á SÖNGKORTUM:

    • STAKUR TÍMI: 8.000 kr. 
    • 3 TÍMAR: 22.500 kr. 
    • 5 TÍMAR: 36.500 kr. 

    Kvennakór Vocalist

    Komdu og vertu með!

    Fyrir hverja?

    Fyrir hressar konur sem vilja hitta aðrar konur eitt kvöld í viku, syngja saman og hafa gaman. Kórinn er opinn bæði þeim sem eru í söngnámi hjá Vocalist, en einnig er hægt að vera bara með í kórnum.

     

    Um kórinn:

    Kórinn hóf starfsemi sína í október 2015 og hafa nú þegar haldið tvenna tónleika. Þetta er hress og skemmtilegur kór þar sem áherslan er lögð á létta tónlist, svo sem popp, dægurlög, söngleiki oflr. Stefnt er að því að fara á hverri önn í æfingabúðir yfir helgi eitthvað útá land og svo er draumurinn okkar að komast í ferð til útlanda. Þetta er frábær félagsskapur!!

    • HVENÆR: Æfingar eru á þriðjudagskvöldum kl. 19-21
    • FULLT VERÐ: 25.000 kr. önnin
    • VERÐ FYRIR VOCALIST SÖNGVARA: 18.000 kr. (fyrir þá sem eru á 12 vikna námskeiði eða 10 einkatímum hjá Vocalist.)
    • ALDURSTAKMARK: 20 - 65 ára. 

    RADDPRUFUR VERÐA HALDNAR Í SEPTEMBER 2017 (Nánar auglýst síðar)

  • FRÉTTIR

    Hér getur þú séð hvað er um að vera hjá Vocalist

    Nú er farið að síga á seinni hluta sumarsins og þá fer fólk oft að huga að því hvaða markmið á að setja sér næsta haust. Það verður margt í boði í söngnáminu hjá Vocalist, Grunn- og framhaldsnámskeið í CVT, Barna- og Unglinganámskeið, hægt verður að bóka einkatíma og svo heldur Kvennakórinn au...
    Nú eru öll 12 vikna námskeiðin sem byrjuðu í janúar að klárast. Þetta er búið að vera frábær önn með fullt af efnilegu söngfólki á hinum ýmsu stigum námsins. Barna- og Unglinganámskeiðin ætla að vera með tónleika næsta mánudag og bjóða mömmu og pabba að koma og hlusta á afraksturinn af námskei...
    Tilvalin gjöf fyrir þann sem elskar að syngja! Jólatilboð á söngkortum Stakur tími (45 mínútur) = 7.000 3 tímar (45 mín. hver) = 18.900 Einnig er hægt að kaupa gjafabréf fyrir þau fjölmörgu námskeið sem verða í boði á Vorönn: Grunnnámskeið Framhaldsnámskeið Unglinganámskeið (12-16 ára) Barnan...
    SKRÁNING Í FULLUM GANGI! Nú er skráning í fullum gangi hjá Vocalist og enn eru örfá pláss eftir. Kennsla hefst þann 19. september og er það mikil tilhlökkun sem fylgir því að byrja nýtt starfsár og hitta bæði nýja og gamla söngvara. Það verður margt í boði næstu önn, hin hefbundnu Grunnnámskeið...
    TAKK FYRIR VORÖNNINA!!! Vorönn 2016 lauk nú í síðustu viku þegar að Kvennakórinn okkar hélt stórglæsilega tónleika í Laugarneskirkju á þriðjudag og síðan kláraði framhaldshópurinn námskeiðið sitt á miðvikudaginn, sem var í raun framhaldsnámskeið af framhaldsnámskeiðinu :)  Þessi önn er búin að...
    2016年4月23日
    Næstkomandi mánudag ætla Vocalist söngvarar að fagna hækkandi sól og halda Vortónleika. Á tónleikunum koma fram nemendur á öllum aldri og stigum náms og syngja eitt lag af þeim lögum sem þau hafa verið að vinna með í vetur.  Fram koma: Sóley Hálfdánsdóttir Herdís Helga Helgadóttir Soffía Edith...
    More Posts
  • Umsagnir

    Þetta höfðu þau að segja um námið hjá Vocalist

    Margrét Grímsdóttir

    Vocalist söngvari frá 2014

    Haustið 2014 ákvað ég að láta gamlan draum rætast og fara í söngnám. Ég hafði nánast ekkert sungið í 30 ár, og því var mikil áskorun að mæta til Sólveigar í prufutíma og pína upp úr mér einhverja tóna.

    Í stuttu máli var þetta svo jákvætt og skemmtilegt að ég skráði mig á hópnámskeið hjá henni og endaði svo önnina á að stíga út úr öllum þægindarömmum og syngja fyrir framan hóp af fólki!

    Sólveig er einstakur kennari, er alltaf með stuðninginn, hvatninguna, og notar kennslutæknina "Complete Vocal Technique" sem hefur komið mér miklu lengra en ég hefði þorað að láta mér detta í hug. Sólveig gefur nemendum sínum alla stjórnina, og styður okkur í þá átt sem við viljum fara, því sem við viljum breyta og bæta auk þess að koma með mjög gagnlegar ábendingar fyrir okkur.

     

    Að fara í söngnám til Sólveigar/Vocalist er eitt það besta sem ég hef gert fyrir sjálfa mig í mörg ár.

     

    Árni Ingimarsson

    Vocalist söngvari frá 2014

    Mér finnst frábært að vera í tímum hjá Sólveigu því maður er að þessu fyrir sjálfan sig en ekki hana. Hún hefur náð að breyta röddinni mini mikið og einnig öryggi í að koma fram. Kem klárlega í haust.

    Takk fyrir mig.

    Dorothea Pálsdóttir

    Vocalist söngvari frá 2015

    Það var besta ákvörðun sem ég tók í langan tíma að byrja hjá VOCALIST. Sjálfstraustið rauk upp og ég er loksins að gera eitthvað bara fyrir mig og er að skemmta mér vel. Mér leið alltaf mjög vel. Sólveig er frábær og mest jákvæða manneskja í geimi. Það skiptir engu máli hversu illa ég syng, hún lætur mig aldrei líða illa. Ég mæli hiklaust með Vocalist.

    Arna Ösp E. Ómarsdóttir

    Vocalist söngvari frá 2014

    Ég er búin að læra mest að stjórna röddinni minni betur, ég var ekkert rosalega góð í því áður en ég kom hingað. En núna finnst mér ég vera betri í eiginlega öllu. Mér finnst Solla líka hafa gert mig að betri manneskju og hjálpar mér með allt. Endilega koma í Vocalist, þetta er rosa gaman!

    Heiðrún Birna Rúnarsdóttir

    Vocalist söngvari frá 2015

    Mér finnst frábært hvað tæknin CVT er í rauninni auðveld og hvað það er auðvelt að tileinka sér hana. Ég er t.d. farin að vinna mikið með effekta sem ég hafði ekki spáð í áður og einnig hef ég fengið meiri styrk í röddina. Námið hefur gefið mér sálfsöryggi í söng, mikla gleði og mér finnst mjög gaman að koma í tímana og hlakka alltaf til. Svo skemmir það náttulega ekki fyrir hvað Solla er brjálæðislega þolinmóð og frábær!

    Ingibjörg Tómasdóttir

    Vocalist söngvari frá 2015

    Það er búið a vera rosalega gaman í vetur. Við byrjuðum hópur saman í haust og höfum svo nokkur haldið hópinn saman í vetur. Við syngjum svo lögin og Solla hjálpar okkur með þau. Hún byrjar alltaf að spyrja okkur hvað við viljum gera við lagið og hvað hún geti hjálpað okkur með. Þannig reynir hún að fá fram það er að okkur langar að gera og þetta er bara frábær tækni. Ég á ekki orð yfir það hvað þetta hefur verið skemmtilegt og hvað það hefur verið mikill árangur.

    Magdalena Marta Radwanska

    Vocalist söngvari frá 2014

    Mér finnst mjög mikill kostur að maður kynnist Sollu mjög vel þannig að maður þorir að gera mistök og maður þorir að reyna og leggja sig allan fram í það sem maður er að gera. Ég hef bætt mig mjög mikið síðan ég byrjaði og ég heyri það þegar ég hlusta á gamlar upptökur. Ég hef líka byggt upp mjög mikið sjálfstraust þegar ég er að koma fram. Ég mæli mjög mikið með Vocalist, þetta er æðislegur skóli.

    Tindra Gná Birgisdóttir

    Vocalist söngvari frá 2015

    Mér finnst þetta bara ótrúlega gaman. Námið hefur gefur mér meiri tækifæri og möguleika og svo er ég búin að kynnast fullt af krökkum líka og eignast nýja vini. Ef þig langar að syngja, þá er eitthvað hérna fyrir alla, hvort sem þú ert unglingur, krakki eða fullorðinn, þú getur alltaf fundið þér eitthvað hérna.

    Vera Sif Brynjudóttir

    Vocalist söngvari frá 2015

    Ég heillaðist mjög mikið af CVT af því að ég þurfti ekki þá endilega að velja klassískt og mig langaði til að syngja aðra söngstíla. Ég hef mikið bætt mig og ég get sungið miklu sterkar núna og með breiðara raddsvið. Námið hefur gefið mér mjög mikla ánægju og mér hefur farið mjög mikið fram.

  • VIDEO

    Hér getur þú séð hvað er um að vera hjá Vocalist söngvurum

    Magdalena

    Tindra Gná

    Heiðrún

    Arna Ösp​

  • skilmálar

    • Staðfestingargjald greiðist við skráningu og er óendurkræft.
    • Skólagjöld fást ekki endurgreidd.
    • Skólagjöldum er hægt að skipta í mest 3 greiðslur og eru gjalddagar eftirfarandi:

    Fyrir haustönn: 1. október, 1. nóvember og 1. desember
    Fyrir vorönn: 1. febrúar, 1. mars og 1. apríl.

    • Forföll: Ef Vocalist söngvari forfallast er kennaranum ekki skilt að bæta upp tímann. Ef kennari forfallast er honum skilt að bæta söngvara upp tímann. Ef einkatími er afbókaður innan 24 klukkustunda skal greitt fyrir hann að fullu.
    • Systkinaafsláttur: Í þeim tilfellum sem systkini undir 18 ára aldri stunda nám hjá Vocalist skal veittur 20% afsláttur fyrir annað systkin. (Gildir ekki með tilboðum.)

     

     

  • SKRÁNING

     

    Eftirfarandi upplýsingar þurfa að koma fram í skilaboðum:

    • Kennitala söngvarans. 
    • Upplýsingar um forráðamann ef söngvari er undir 18 ára. 
    • Hvaða námskeið viltu skrá þig á? / Hversu marga einkatíma viltu kaupa? 

    Haft verður samband mjög fljótlega til að staðfesta skráningu.

  • HÉR ER VOCALIST

    Facebook

    Fylgstu með Vocalist á Facebook

     

    Youtube

    Hlustaðu á Vocalist söngvarana

     

    Sími

    694 3964

     

    Email

    vocalist@vocalist.is

     

    Heimilisfang

    Síðumúli 8, 2. hæð

    105 Reykjavík

All Posts
×