• VOCALIST

    Fyrir þína rödd

    Vocalist er söngskóli í örum vexti sem var stofnaður um haustið 2014. Fyrsta aðsetur skólans var að Laugarvegi178, en um haustið 2017 flutti skólinn í Síðumúla 8 og deilir nú þar húsnæði með tónlistarskólunum Tóney. Í skólanum ættu allir að finna söngnám við sitt hæfi því námskeiðin eru sérsniðin að þörfum hvers og eins. Lögð er áhersla á að söngvarar geti þjálfað röddina sína í umhverfi sem einkennist af jákvæðu og uppbyggilegu andrúmslofti. Kenndir eru allir stílar, klassík, jazz, söngleikir, popp, rokk, þungarokk o.s.frv. Námskeiðin henta bæði þeim sem hafa enga reynslu af söng og vilja kynnast eigin rödd betur og einnig þeim sem hafa meiri reynslu annaðhvort sem kórsöngvarar eða einsöngvarar. Kennslan byggist upp á Complete Vocal Technique, en sú tækni er orðin vinsæl um alla Evrópu og hefur gefið góðan og fljótvirkan árangur.

  • Starfsmenn Vocalist

    Sólveig Unnur Ragnarsdóttir

    Eigandi og sönkennari

    Sólveig Unnur Ragnarsdóttir hefur kennt söng frá árinu 2009. Hún hóf sinn söngkennaraferil við Tónlistarskóla Vestmannaeyja og starfaði þar til ársins 2014. Þá flutti hún aftur til Reykjavíkur og stofnaði söngskólann Vocalist.

    Sólveig byrjaði aðeins 5 ára að læra á hljóðfæri, fyrst fiðlu og síðar píanó, en hóf síðan söngnám við Söngskólann í Reykjavík árið 1996. Þar lauk hún einsöngvaraprófi í klassískum söng (DipABRSM) árið 2003 og söngkennaraprófi (DipLRSM) árið 2005. Árið 2012 hóf hún síðan 3. ára kennaranám í Complete Vocal Technique við Complete Vocal Institute í Kaupmannahöfn og er nú viðurkenndur kennari í þeirri tækni.

    Sólveig hefur haldið fjölda söngtónleika og hefur reynslu af að syngja fjölbreytta stíla. Hún hefur sungið með hljómsveitum, við kirkjulegar athafnir og komið fram við ýmis tilefni. Sólveig stjórnar Kvennakór Vocalist en einnig hefur hún verið fengin til að raddþjálfa fleiri kóra. Hún hefur einnig starfað sem tónmenntakennari fyrir Tóney frá árinu 2018. Í desember 2018 lauk Sólveig nám í Markþjálfun við Evolvia og býður einnig uppá einstaklings markþjálfun og námskeið því tengdu.

    Bjartmar Þórðarson

    Söngkennari

    Bjartmar Þórðarson er söngvari, leikari og leikstjóri með gríðarlega fjölbreytta reynslu, bæði á sviði sem og bakvið tjöldin. Hann lærði leiklist í Webber Douglas Academy of Dramatic Art í London, hefur leikið í fjölda sýninga hérlendis og hefur komið fram víða sem söngvari. Bjartmar hefur verið duglegur við að gefa út eigin tónlist undanfarið, gaf út fyrstu lögin af sólóplötunni Deliria á árinu 2017 og stefnir á frekari landvinninga í þeim efnum á komandi ári. Bjartmar hefur stundað nám í Complete Vocal tækni í Kaupmannahöfn og útskrifaðist þaðan sem viðurkenndur kennari í þeirri tækni árið 2020.

    María Dalberg

    Leiklistar og jógakennari

    María Dalberg er menntuð leikkona og jógakennari. Hún lærði leiklist í Drama Centre London og útskrifaðist þaðan vorið 2008 og hefur síðan þá leikið bæði á sviði, sjónvarpi og kvikmyndum. Hún tók 6. stig á fiðlu í Tónlistarskólanum í Reykjavík og tók söngnámsskeið hjá Heru Björk í Complete Vocal Technique árið 2011. Þegar hún var í leiklistarnáminu kynntist hún Vinyasa jóga og hugleiðslutækni. Hún kolféll fyrir jóga og lauk kennaranámi í jóga vorið 2013 í Yoga Shala og hefur kennt fullorðnum og börnum jóga síðan þá. Árið 2019 bætti hún við sig kennararéttindum í Baptiste Power Yoga sem er kraftmikið jóga sem samanstendur af jógaæfingum, hugleiðlu og sjálfsvinnu. Hún tók kennararéttindi í Yoga Nidra eða jógasvefn sem hún lærði hjá Kamini Desai í Jógasetrinu árið 2019. María kennir börnum jóga og leiklist í Vocalist og leggur áherslu á leikgleði, sköpun og vöxt hvers og eins. Hún notast við sögur og leiki til að miðla boðskap jógafræðanna og kenna jógastöður ásamt hugleiðslu.

    Jón Ingimundarson

    Píanóleikari

    Jón hefur spilað á ásláttarhljóðfæri síðan árið 1993 þegar hann hóf orgelnám 7 ára gamall. Það nám þróaðist skömmu síðar út í klassískt píanónám sem hann lagði stund á þangað til árið 2002 þegar menntaskólaaldri var náð.

    Í menntaskóla spilaði Jón með samnemendum sínum við ýmis tækifæri, t.a.m. við leiksýningar og söngleiki. Eftir menntaskóla skráði hann sig í jazz-píanónám við Tónlistarskóla FÍH þar sem hann lærði hinar ýmsu tónlistarstefnur og afbrigði og útskrifaðist þaðan árið 2015. Skólaárið 2012-2013 tók hann sér hlé frá námi og kenndi píanóleik og söng við Grunn- og Tónskóla Hólmavíkur.

    Jón hefur verið virkur í tónlistarlífinu og spilað í skírnum, árshátíðum, stórsveitum, rokkböndum, jazzböndum, kórum, sönghópum, giftingum, coverböndum o.fl. og undanfarið spilað undir hjá söngskóla Vocalist.

    Arna Rún Ómarsdóttir

    Söngkennari

    Arna Rún útskrifaðist sem viðurkenndur Complete Vocal Technique kennari við Complete Vocal Institute vorið 2015. Hún byrjaði að starfa sem söngkennari og raddþjálfari árið 2012 hjá Complete Vocal Stúdíó þegar hún hóf nám í CVI og tók svo við rekstri þess skóla árið 2013 til loka 2015.

    Fyrstu kynni hennar af söngnámi voru við Nýja söngskólann Hjartansmál (nú Söngskóli Sigurðar Demetz) þar sem hún lauk 3. stigi í klassískum einsöng, en stundaði síðar nám við Tónlistarskóla FÍH og lauk þar Miðprófi í Jazz söng árið 2011.

    Á sínum ferli sem söngkennari og raddþjálfi hefur Arna öðlast yfirgripsmikla þekkingu á kennslu tengdri röddinni þar sem hún hefur kennt söngvurum af öllum reynslustigum, frá algjörum byrjendum til atvinnusöngvara, sem og haldið námskeið í heilbrigðri raddbeitingu fyrir ýmsa aðila m.a. þjálfara Dale Carnegie.

    Sindri Reyr Einarsson

    Margmiðlunartæknir

    Sindri hefur komið víða við á sínum ferli. Hann sleit barnskónum í videodeild Fíladelfíu kirkjunnar þar sem hann hefur verið frá árinu 1999-2020. Þar fékk hann mörg tækifæri til að spreyta sig meðal annars í uppsetningu myndstjórnar, lýsingu, tæknistjórn og upptökustjórn. Hann starfaði sem tæknistjóri hjá RUV í aðalstjórn 1999-2003, hjá Lindinni 2000-2007, sem tökumaður og klippari hjá Fasteignarsjónvarpinu árið 2005, dagskrárkynningar klippari hjá Skjá einum 2006 og sem verktaki hjá hinum ýmsu framleiðslufyrirtækjum 2007-2013. Sindri útskrifaðist sem Margmiðlunartæknir frá Borgarholtsskóla árið 2007. Sindri hefur tekið að sér margskonar verkefni í gegnum tíðina. Má þar nefna grafíkvinnslu, dagskrá klippingu, upptöku, ljósa lýsingu, tæknistjórn, gerð tónlistarmyndbanda, fjöl kameruvinnslu, íþróttaviðburði, auglýsingar, hljóðvinnslu, upptökustjórn í útsendingu, CCU keyrslu, skipulagningu á upptökum og keyrslu á krana. Árið 2014 til dagsins í dag hefur Sindri starfað hjá Stöð 2 sem umsjónarmaður ENG/EFP og er auk þess upptökumaður í dagskrágerð og fréttum. Sindri sér um myndartökur, auglýsingagerð og hönnun hjá Vocalist.

  • COMPLETE VOCAL TECHNIQUE APPIÐ

    Bæði fyrir iOS og Android

    CVT kynningar App - FRÍTT

    CVT Appið - 69,99 €

    Complete Vocal Technique

    að á ekki að vera erfitt að læra að syngja og allir geta lært það!"

     

    Grunnþættirnir 3:

    Stuðningur, nauðsynlegt twang, slaka á kjálka og vörum

    Raddgrírarnir 4

    Neutral, Curbing, Overdrive, Edge

    Raddlitur

    Dökkur - Ljós

    Effektarnir

    Leggðu áherslu á tilfinningar með effektum

  • VIÐ ERUM HÉR

    Facebook

     

     

    Youtube

     

     

    Instragram

     

    S. 694 3964

    vocalist@vocalist.is